Энэхүү хуудас нь Eco-TransH төслийн хүрээнд боловсруулсан нөөцүүдийг нэгтгэн харуулдаг. Энд та мал ахуй болон мал дагасан нүүдлийн системийг дэмжихэд түншүүд боловсруулсан үр дүнгийн баримт бичгүүд, хэрэгслүүд болон сургалтын материалуудыг олж болно.

Нөөц материал ашиглах нөхцөл

Erasmus+ EcoTransH төслийн хүрээнд боловсруулсан сургалтын нөөц материалыг Creative Commons Зохиогчийг дурдах – Арилжааны бус – Ижил нөхцөлөөр түгээх 4.0 Олон улсын (CC BY-NC-SA 4.0) лицензийн дагуу ашиглах боломжтой.

Тэдгээрийг арилжааны бус зорилгоор ашиглах, хуваалцах, өөрчлөн ашиглах боломжтой бөгөөд EcoTransH төслийг болон холбогдох зохиогч, түншүүдийг дурдсан байх, мөн аливаа өөрчлөлтийг ижил лицензийн дагуу түгээх нөхцөлтэй.

Сургалтын хэрэгсэл, материал ашиглах гарын авлага

Эдгээр бүх хэрэгслийг “Олон улсын хэмжээнд нүүдлийн мал аж ахуйн практик : яагаад, хэрхэн?” сэдвийг сонирхож буй багш нар болон бусад олон нийтэд зориулсан сургалтын материал болгон ашиглана.

Нүүдлийн мал аж ахуйн гарын авлага

Энэхүү гарын авлага нь нүүдлийн мал аж ахуйд зориулсан сургалтын материал юм. Үүнд нүүдлийн мал аж ахуйг бэлтгэх, хэрэгжүүлэх үе шат бүрийг болон түнш орнууд болох Франц, Итали, Грек, Румын, Марокко, Монгол Улсын практикийг танилцуулсан болно.

Бэлчээрийн мал аж ахуйн сургалтыг дэмжиж, мэдлэг, туршлагаа хуваалцахад чиглэсэн сургалтын материал.

Нэмэлт хавсралт : улс бүрийн ургамлын мэдээллийн хуудас болон уур амьсгалын нөхцөл, Нүүдлийн мал аж ахуйн практикийг Биет бус соёлын өвд бүртгэсэн бүртгэлийн хуудасны хэсэг, бусад хэрэгтэй холбоосууд

Нүүдлийн мал аж ахуйн сургалт

Энэхүү интерактив, сонирхолтой сургалтын материал нь Гарын авлага болон Зурагт гарын авлагыг нөхөн баяжуулж, Genially платформ дээр бүтээгдсэн бөгөөд нүүдлийн мал аж ахуйтай динамик хэлбэрээр танилцах боломжийг олгоно. Тодорхойлолт, гол ойлголт, асуулт-хариулт болон интерактив үйл ажиллагаагаар дамжуулан суралцагчдыг бэлчээрийн мал аж ахуй, нүүдлийн мал аж ахуйтай танилцуулна.

Зөвлөмж : Нүүдлийн мал аж ахуйн практик, түүнийг Биет бус соёлын өв хэмээн хүлээн зөвшөөрсөн байдал, үндсэн элементүүд болон тодорхойлолтын талаар ерөнхий ойлголт өгөх зорилгоор хичээлийн жилийн эхэнд ашиглах ерөнхий сургалтын хэрэгсэл.

Зурагт гарын авлага

Нүүдлийн мал аж ахуйн гарын авлагыг нөхөн баяжуулах энэхүү сургалтын материал нь нүүдлийн мал аж ахуйг дүрслэл, зурагт хэлбэрээр танилцуулсан болно. Дижитал дүрслэлээр дамжуулан Erasmus+ Eco-TransH төслийн түнш орнуудын бэлчээрийн мал аж ахуйн янз бүрийн үе шат, практик болон бодит нөхцөл байдлыг танин мэдэж, илүү сайн ойлгох боломжийг олгоно.

Тэмдэглэл : энэхүү сургалтын хэрэгслийг багш, сургагч багшийн сонгосон аргачлалаас хамааран нэг удаагийн хичээлээр эсвэл хэд хэдэн удаагийн хичээлээр ашиглах боломжтой.

Дижитал капсул бүхий модуль хэлбэрийн зурагт гарын авлага
Танилцуулга: urlr.me/v6m9Q5
Логистикийн бэлтгэл ажил: urlr.me/995F8X
Эрүүл мэнд, аюулгүй байдлын бэлтгэл: urlr.me/BS2vEG
Амьтан ба сүрэг: urlr.me/784gmf
Зуны бэлчээрийн байр: urlr.me/4qK4bV
Дүгнэлтүүд: urlr.me/AbbmYM

Дижитал сургалтын капсул бүхий модуль хэлбэрийн зурагт гарын авлага
Танилцуулга: urlr.me/wCQcPV
Логистикийн бэлтгэл: urlr.me/MfsxCv
Эрүүл мэндийн бэлтгэл: urlr.me/bjrVbp
Амьтан ба сүрэг: urlr.me/nASzJD
Зуны бэлчээрт ирэх: urlr.me/8P6eAQ
Дүгнэлтүүд: urlr.me/BF6qHE

Trans’Game – Нүүдлийн мал аж ахуйн сургалтын тоглоом

Trans’Game нь уур амьсгалын өөрчлөлтийн сорилтуудын хүрээнд нүүдлийн мал аж ахуйн практикийг авч үзэх боломжийг олгодог, асуулт-хариултын хэлбэртэй онлайн сургалтын тоглоом юм. Ерөнхий болон техникийн хандлагыг хослуулан тэжээлийн нөөц болон нүүдлийн мал аж ахуйн үе шатуудыг танилцуулна.

Ирээдүйн малчид, хоньчдыг бэлчээрийн мал аж ахуйн хөгжил, өөрчлөлтөд бэлтгэх сургалтын болон сонирхолтой материал.

Тэмдэглэл : энэхүү тоглоомыг хичээлийн жилийн турш үзсэн мэдлэг, ойлголтыг давтах зорилгоор хичээлийн жилийн төгсгөлд ашиглахад зориулагдсан. Ингэснээр эзэмшсэн мэдлэгийг үнэлэх, шаардлагатай тохиолдолд зарим сэдвийг дахин судлах боломжтой. Тоглоом нь жилийн эхэнд, ялангуяа сургалтын хөтөлбөрт танилцуулсан үндсэн ойлголтуудыг давтах ерөнхий хэсэг, мөн Румыны нөхцөлд илүү тохирсон техникийн хэсгээс бүрдэнэ. Гэхдээ энэ хэсэг нь бусад улс орны практиктай ижил төстэй талуудыг мөн харуулна. Ямар ч тохиолдолд зорилго нь ойлголтуудыг зөв ойлгож, тэдгээрийг тайлбарлах чадвартай болох явдал юм. Тоглоомын сонирхолтой хэлбэр нь тоглож, хөгжилдөхийн зэрэгцээ суралцах боломжийг олгодог.

Чуулганы эмхэтгэл

Чуулганы эмхэтгэлд 2024 оны 11 дүгээр сарын 5-нд Грекийн Лариса хотод зохион байгуулагдсан уулзалтын үеэр хийсэн илтгэл, гэрчлэл болон хэлэлцүүлгүүдийг нэгтгэн багтаасан болно. Тус эмхэтгэлээр түнш орнуудын нүүдлийн мал аж ахуй, түүний практик, тулгамдсан асуудал болон түүнийг сурталчлан таниулахтай холбоотой хувь нэмрийг танилцуулна.

Сэдэвчилсэн үзэсгэлэн

Хоёр үзэсгэлэн нь EcoTransH төслийн түнш орнуудын нутаг дэвсгэр болон бэлчээрийн мал аж ахуйтай холбоотой харилцан нөхөх сэдвүүдийг гүнзгийрүүлэн танилцуулна : Монголын тогтвортой ноолуурын үйлдвэрлэлийн салбар болон Мароккогийн хөдөө нутгийн эмэгтэйчүүдийн хөдөө аж ахуй, бэлчээрийн мал аж ахуйд гүйцэтгэх үүрэг.

Вебинар – Нүүдлийн мал аж ахуйг сурталчлан таниулах

Итали улс зохион байгуулсан энэхүү вебинар нь залуучууд, ялангуяа хөдөө аж ахуйн ахлах сургуулийн сурагчдад нүүдлийн мал аж ахуйг ЮНЕСКО-гийн Биет бус соёлын өвийн нэг хэсэг болохын үнэ цэнийг ойлгуулах зорилготой байв. Мөн EcoTransH төслийн түнш орнуудын жишээнүүдтэй танилцаж, орон нутгийн уламжлал, түүнтэй холбоотой хөдөө аж ахуйн бүтээгдэхүүн болон нутаг дэвсгэрийн хөгжилд оруулах хувь нэмрийг онцлон харуулах боломжийг олгосон.

Соёл ба Амт – Амтны хослол

Дижитал капсулууд – соёл ба амтны мэдрэмжүүд

«Соёл ба Амт – Амтны хослол» сургалтын видео капсулууд нь түнш орнуудын уламжлалт жоруудыг дүрс бичлэгээр танилцуулж, нүүдлийн мал аж ахуйгаас гаралтай бүтээгдэхүүн болон тухайн нутаг дэвсгэрийн онцлог бүтээгдэхүүнээр бэлтгэсэн жорыг харуулна.

Гастрономийн тусламжтайгаар бэлчээрийн мал аж ахуйтай холбоотой уламжлал, мэдлэг, ур чадвар, соёлыг танин мэдэж, илүү сайн ойлгоход зориулсан сургалтын материал.

Жорын номууд : Соёл ба Амт – Амтны хослол

Энэхүү сургалтын жорын ном нь түнш орнуудын соёлыг тэдгээрийн амт, хоолоор дамжуулан танин мэдэхийг урьж байна. Нүүдлийн мал аж ахуйгаас гаралтай бүтээгдэхүүн болон тухайн нутаг дэвсгэрийн онцлог бүтээгдэхүүнээр хийсэн уламжлалт жоруудыг нэгтгэн танилцуулсан болно.

Erasmus+ Eco-TransH төслийн түнш орнуудын мэдлэг, ур чадвар, уламжлал болон бэлчээрийн мал аж ахуйн өв соёлыг сурталчлан таниулах гастрономийн сургалтын материал.